I dyshuari për rastin e tentim vrasjes në rrugën “Ahmet Gjikolli” në Pejë, që kishte ndodhur më 22 dhjetor, është vetëdorëzuar në Policinë e Kosovës të premten, më 2 janar.
Policia kishte njoftuar se pasditen e 22 dhjetorit, në vendin e ngjarjes ishte gjetur një person i plagosur, ndërsa i dyshuari ishte larguar në drejtim të panjohur. Viktima ishte dërguar fillimisht për trajtim mjekësor në Spitalin e Pejës dhe më pas në Qendrën Klinike Universitare të Kosovës.
Sipas njoftimit të Policisë, në vendin e ngjarjes hetuesit kishin gjetur dhe sekuestruar tri gëzhoja, ndërsa ishte kërkuar edhe bashkëpunimi i qytetarëve për identifikimin dhe kapjen e të dyshuarit.
Policia ka bërë të ditur se pasditen e së premtes, i dyshuari është vetëdorëzuar dhe ka dorëzuar edhe armën e zjarrit së bashku me tre fishekë, me të cilën dyshohet se është kryer vepra penale.
“Sot me datёn 02.01.2026 rreth orёs 12:00, i dyshuari ёshtё vetёdorёzuar, i njëjti ka dorёzuar edhe armёn se bashku me tre fishek, me tё cilёn dyshohet se kishte kryer veprën penale, i njëjti nё prezencёn e avokatit mbrojtёs ёshtё intervistuar nga Hetuesit dhe me aktvendim tё prokurorit tё shtetit ёshtё dёrguar nё mbajtje pёr 48- orё”, njoftoi Policia.
