Instituti Kombëtar i Shëndetësisë Publike të Kosovës ka dhënë disa këshilla për mbrotje nga gripi sezonal.
Sipas IKSHPK gripi sezonal është sëmundje akute infektive e cila te një numër i konsideruar i rasteve shkakton komplikime serioze shëndetësore, veçanërisht te fëmijët, te të moshuarit dhe ata me sëmundje kronike, ndërsa vaksina kundër gripit është mënyra më e mirë për të reduktuar rrezikun e infektimit dhe përhapjen e virusit.
Disa këshilla se si të mbrohemi nga gripi sezonal:
Lani duart shpesh me ujë dhe sapun
Mbuloni gojën dhe hundën kur kolliteni ose teshtini
Shmangni kontaktin e ngushtë me persona të sëmurë
Qëndroni në shtëpi nëse jeni të sëmurë
Ushqehuni shëndetshëm dhe pini shumë lëngje
Vaksinohuni çdo vit kundër gripit sezonal.
