Politologu Avdi Smajljaj ka thënë se në bazë të rezultatit preliminar të zgjedhjeve parlamentare të 28 dhjetorit, mundësia që partitë opozitare ta bllokojnë zgjedhjen e presidentit të vendit është shumë më e vogël se ajo e vitit 2021.
Ai ka thënë se partitë opozitare mund të votojnë kandidatin për president të propozuar nga Lëvizja Vetëvendosje nga frika për të shkuar në zgjedhje, ose edhe të ketë ndonjë koalicion.
“Sikur është një lloj frike të partitë opozitare që ta bllokojnë dhe ekziston mundësia që të ja votojnë kandidatin, këtë e ka bërë LDK-ja në vitin 2021 pa marrëveshje koalicioni. Tani mundësia bllokuese që ka qenë në vitin 2021 ose edhe tani, është shumë e vogël e partive opozitare që ta bllokojnë procesin e zgjedhjes së presidentit. Janë këto dy mundësi të kaloj pa koalicion për shkak të frikës së partive opozitare ose me një koalicion” ka thënë ai në emisioni “Ditari” në Tëvë1.
Smajljaj ka thënë se do të ishte më mirë që presidenti të zgjidhet nga një koalicioni pasi sipas tij një marrëveshje e tillë do të siguronte edhe kalimin e marrëveshjeve ndërkombëtare.
Ai ka thënë se kjo do të arrihej me një koalicion mes LVV-së dhe PDK- së.
Presindetja e Kosovës, Vjosa Osmani ka bërë të ditur se synon edhe mandatin e dytë si e para e vendit.
