Në një lidhje direkte në televizonin Tëvë1 ku po mbahet maratona zgjedhore për zgjedhjet e parakohshme gazetari Fidan Zejnullahu raportoi nga fshati Kuzmin, në komunën e Fushë Kosovës, ku një pjesë e komunitetit serb jeton. Sipas tij, Ambulanca e Mjekësisë Familjare e këtij fshati është shfrytëzuar për të realizuar votimin, duke qenë e vetmja ndërtesë që nuk është shkollë.
Zejnullahu theksoi se kjo është një praktikë që ka vazhduar edhe gjatë ditës së sotme, dhe e shfrytëzuar kryesisht për votimin e qytetarëve serbë që jetojnë në fshat.
“Në fshatin Kuzmin, në komunën e Fushë Kosovës, Ambulanca e Mjekësisë Familjare shfrytëzohet për votim. Kjo është e vetmja ndërtesë që nuk është shkollë dhe shfrytëzohet për këtë qëllim. Kuzmini është një fshat ku jeton një pjesë e komunitetit serb, dhe këtu nga 500 qytetarë me të drejtë vote, 190 persona kanë votuar,” tha gazetari Zejnullahu.
Kuzmini është një fshat i banuar kryesisht nga qytetarët serbë, dhe sipas gazetarit, përdorimi i ambulancës për votim ka ngritur pyetje.
