Njohësi i marrëdhënieve ndërkombëtare, Emir Abrashi ka thënë se thirrja e presidentit të Serbisë për të nisur fushatën e ç’njohjeje të Kosovës, është shkelje e drejtpërdrejt e marrëveshjes së Brukselit dhe Ohrit.
Ai ka thënë se Serbia nuk është ndaluar asnjëherë në aktivitetet e saja për t’i hequr Kosovës njohjet nga disa shtete.
Abrashi ka thënë se thirrja e fundit e Vuçiqit më shumë është për konsum të brendshëm pas disfatës në arenën ndërkombëtare dhe protestat që po vazhdojnë në Beograd.
“Serbia nuk është se ka pushuar dhe nuk ka dashur të ketë çnjohje të tjera për Kosovën, por ka arritur kulimin e atyre çnjohje, Kjo nënkupton se një kërkesë e tillë presidentin serb është më shumë për konsum të brendshëm për shkak të disfatës që po e pëson në rrafshin ndërkombëtar dhe në anët tjerët duke pas parasysh që protestat në Serbi po vazhdojnë akoma normalisht i hynë në punë për politikën e brendshme. Nuk pres të ketë ndonjë numër të madh të njohjeve, ndonëse nocioni çnjohje nuk ekziston në të drejtën ndërkombëtare”, ka thënë ai në emisionin “Ditari” në Tëvë1.
Abrashi vlerëson se Kosova nuk duhet ta shqetësohet nga kjo fushatë e Serbisë, por siç ka thënë ai të punojë vazhdimisht me shtetet që kanë njohur Kosovën, por edhe ato që nuk e kanë njohur që të ketë vota kur të paraqes kandidaturën për anëtarësim në organizata ndërkombëtare.
Kosova gjatë këtij viti ka siguruar pesë njohje të reja. Kjo ka nxit reagimin e presidentit serb.
Vuçiqi u ka thënë ambasadorëve serbë se “duhet punuar në çnjohjen e Kosovës”.
“Vetëm që ta dini, pavarësisht se çfarë ju thonë, pavarësisht se çfarë thonë, asnjë marrëveshje nuk e respektojnë as Prishtina, as Bashkimi Evropian e as SHBA-ja. Madje as ato që na imponuan – Kosova është pjesë e Serbisë për ne, kështu ka qenë dhe kështu do të jetë”, tha Vuçiqi, transmeton “N1”.
