Kontakti është humbur me një avion biznesi të tipit Falcon 50, që po transportonte Shefin e Shtabit të Përgjithshëm të Libisë, gjeneralin Mohammad Ali Ahmad al-Haddad, pasi u nis nga Aeroporti Esenboğa i Ankarasë të martën në mbrëmje, bëri të ditur ministri i Brendshëm i Türkiyes.
Avioni, me numër regjistrimi 9H-DFJ, u ngrit në orën 20:10 sipas kohës lokale me destinacion Tripolin.
Ministri i Brendshëm, Ali Yerlikaya, tha se rreth orës 20:52, pranë distriktit Haymana, u pranua një njoftim për ulje emergjente nga avioni, pas së cilës komunikimi nuk arriti të rivendosej.
Sipas Yerlikayas, në avion ndodheshin pesë pasagjerë, përfshirë shefin ushtarak libian, duke shtuar se opinioni publik do të informohet për zhvillimet e mëtejshme./TRT/
