Njërën nga shkronjat e vendosën.
E shumë shpejt, do t’i bashkohen edhe dy të tjera.
Në këtë formë, mbi fshatin Debelldeh të Vitisë, do të formohet akronimi më i famshëm tek shqiptarët.
Por, këto tri shkronja në 1100 metra lartësi mbidetare, janë vetëm njëra pjesë e një projekti madhor të nisur në korrik, nga Organizata e Veteranëve të Luftës, dega në Viti.
“Kjo hapësira këtu është parking për vetura, autobusët me u parku, sepse planifikohet që çdo nxënësit me ardh për vizitë, dhe është rruga 700 metra për me vrapua sportistët…është fusha e futbollit, shkronjat UCK, një fitnes në natyre dhe pinik familjar” shprehet kryetari i OVL- UÇK-së në Viti, Demir Hasani.
Sipas tij, ky vend do t’i mirëpres të gjitha moshat.
Por, për projektin që ka koston 200 mijë euro, thotë se deri më tani i grumbulluan vetëm 35 mijë.
Prandaj, për finalizimin e plot, sytë i kanë nga donatorët.
“Mbi 200 mijë euro është kosto e gjithë projektit…..1:03 Deri tash kemi arrit me i mbledh 35 mijë euro, kemi punuar të gjithë, dmth nuk llogaritet pjesa vullnetare në këtë shumë. Për krejt projektin nevojiten 200 mijë”, thotë Hasani.
Krah i fortë për finalizimin projekteve, edhe një herë po del të jenë mërgimtarët.
Madje, shumë prej tyre erdhën për ta parë punën nga afër.
“I thirri të gjithë mërgimtarët e këtij fshati, por edhe mërgimtarët e tjerë të Vitisë, se na vyjnë financiarisht me na ndihmua, se këto tri shkronja janë me vlerë, shkronja të kombit” thotë Sali Avdullahu, mërgimtar që jeton në Zvicër.
Thirrjes vullnetarisht iu përgjigjen edhe një herë ish-ushtarët e UÇK-së.
Projektet e tilla po mirëpritën edhe nga kryetari i fshatit.
“Në fshatin Debelldeh janë duke investime turistike, përditë ndërtohet diçka, por këto shkronja që janë emblemë kombëtare, ia rrisin vlerën fshatit”, shprehet Fazli Neziri – kryetar i fshatit Debelldeh.
Vendosja e akronimit të Ushtrisë Çlirimtare të Kosovës në pikën më të lartë të këtij fshati, i bëri bashkë të gjithë.
Për këtë, këtu nuk munguan as përfaqësuesit e Komunës së Vitisë.
“Komuna i ka planifikuar edhe rrugën e varrezave, por do të interesohemi tani edhe parkingjet t’i bëjmë. Edhe për investime të tjera që kanë parapa në planin e tyre OVL-UÇK, që të jetë një park modern” shprehet Basri Aliu – drejtor i Shërbimeve Publike.
Projekti është i vendosur në një hapësirë prej katër hektarësh në fshatin që dikur ishte bastion i Ballit Kombëtar e më vonë edhe i Ushtrisë Çlirimtare të Kosovës dhe Ushtrisë Çlirimtare Kombëtare.
