Sot, këngëtari i njohur Shemsi Krasniqi – Shemi i grupit “Ilirët”, raportohet se është gjetur i vdekur. Ende nuk dihen arsyet e arsyet e vdekjes.
Tëvë1 ka dërguar pyetje në Policinë e Kosovës, por ende nuk janë përgjigjur për këtë rast.
Për këtë ka reaguar Kryetari i Prishtinës, Përparim Rama.
Përmes një postimi në Facebook, Rama thotë se Shemi ishte artist që nuk i përkiste vetëm skenës, por edhe shpirtit të një kohe, një brezi dhe një qyteti të tërë.
I pari i kryeqytetit ngushëlloi familjen, miqtë dhe të gjithë adhuruesit e muzikës së tij për këtë humbje.
“Me dhimbje morëm lajmin për ndarjen nga jeta të Shemsi Krasniqit, zërit të paharruar të grupit legjendar Ilirët. Shemi ishte artist që nuk i përkiste vetëm skenës, por edhe shpirtit të një kohe, një brezi dhe një qyteti të tërë. Ishte imazh i gjallë i kryeqytetit në vitet kur muzika rock ishte zë rebelimi, shprese dhe lirie. Ngushëllime të sinqerta familjes, miqve dhe gjithë adhuruesve të muzikës së tij. Humbja është e madhe, por gjurma që la në historinë e muzikës shqiptare dhe në kujtesën e kryeqytetit do të mbetet e pashlyeshme”, ka shkruar Rama.
