Në edicionin special në Tëvë1 kushtuar protestës gjithpopullore të veteranëve, Nrecaj tha se organizimi i protestave të tyre është me të drejtë pasi që ata po kërkojnë të drejtat që u takojnë.
“Ky organizim i protestave të veteranëve të UÇK-së, natyrisht se është i drejtë. Është mjet ligjor dhe demokratik për të kërkuar të drejtat e tyre nga institucionet e shtetit. Në këtë projektligji edhe propozimi për ndryshimin është paksa i paqartë. Ligjet nuk guxojnë në asnjë moment të harmonizohen me qëndrime politike, kjo sepse pjesa e pagës së veteranëve përcaktohet pasi që të pastrohen listat e veteranëve të UÇK-së”, deklaroi tutje Nrecaj.
Ndërkaq, Nrecaj tha se në momentin kur ky ligj do futet në fuqi, atëherë qeveria Kurti është e detyruar t’i kompensojë të gjithë veteranët për mos përfshirjen e tyre në pagën minimale.
“Kjo mos përfshirje e veteranëve në pagën minimale, mund të çojë deri te një problem tjetër juridik. Kjo mbi bazën e së cilës qeveria duhet në një të ardhme t’i kompensojë veteranët që nga momenti kur ky ligj futet në fuqi”, tha ai.
Nrecaj gjithashtu tha se kemi veteranë të shumtë të cilët kanë konfirmuar disa herë që me të vërtetë janë veteranë të Ushtrisë Çlirimtare të Kosovës. E që kjo sipas tij, për shkak të këtij ligji ata po diskriminohen në mënyrë të padrejtë./teve1.info.
