Alexander Isak pati një super ndeshje ndaj Tottenhamit, këtë fundjavë.
Por pikërisht kjo ndeshje ishte një “mollë sherri” për suedezin, pasi që pësoi një lëndim të rëndë pas një ndërhyrjeje nga Micky Van de Ven.
Testet e reja që i bëri 9-shi i kampionëve anglez, tregoi se ai ka një këmbë të thyer me Isakun që pritet të humbasë sezonin e tij.
Liverpooli, arriti të fitonte ndaj Tottenhamit me rezultat 1-2 me golat e Isak dhe Ekitikës.
Palët janë ende në pritje të një skanimi MRI për dëmtimin që pësoi kur Isak shënoi golin e parë në stadiumin Tottenham Hotspur.
Mbrojtësi i Spurs, Micky van de Ven, rrëshqiti mbi Isak ndërsa u përpoq ta pengonte sulmuesin të shënonte, duke e lënë Isak të paaftë të festonte pasi ai menjëherë sinjalizoi për ndihmë mjekësore.
Një barelë u soll në fushë, por Isak përfundimisht u largua nga fusha me ndihmën e stafit mjekësor të Liverpool.
Suedezi nuk u inkuadrua për pesë ndeshje nga tetori deri në nëntor për shkak të një dëmtimi në ijë.
Isak u transferua këtë verë për shifrën rekord prej 125 milionë eurosh, teksa ka shënuar vetëm tre gola në 16 paraqitje në të gjitha garat për Liverpool.
