Një ish-pjesëtar i Ministrisë së Punëve të Brendshme të Serbisë (MUP) dhe më pas i integruar në Policinë e Kosovës, është arrestuar sot në Leshak, nën dyshimin për kidnapimin e shtetasit të Kosovës, Milan Vukashinoviq, më 1 nëntor brenda territorit të Kosovës.
Për arrestimin e tij njoftoi ministri në detyrë i Punëve të Brendshme, Xhelal Sveçla.
Ndërkaq, Tëvë1 mëson se i arrestuari është Vidosav Mitroviç.
Sveçla përmes një postimi në Facebook bëri të ditur se ekzistojnë dyshime të bazuara se Mitroviç ka bashkëpunuar dhe ka mbështetur në vazhdimësi strukturat e sigurisë së Serbisë, përfshirë edhe kidnapimin e Vukashinoviqit, i cili gjatë kidnapimit u plagos rëndë dhe aktualisht është duke u trajtuar në një spital në Serbi.
Sipas Sveçles, i arrestuari së paku ka qenë në dijeni për përgatitjet e sulmit terrorist në Banjskë më 2023.
Arrestohet ish-pjesëtari i MUP-it, i dyshuar për kidnapimin e Vukashinoviqit
