Por këtë verë, atë shkojnë në Shqipëri apo Ulqin biletën do ta paguajnë për 5 euro më shumë, kjo pas ngritjes së çmimeve të naftës
Një gjë të tillë e konfirmon kreu i Shoqatës së Transportit të Udhëtarëve, Ruzhdi Kurtishaj.
‘Çmimet e biletave të udhëtimit janë rritë për shkak të ngritjes së çmimeve të derivative të naftës duke përfshi të gjitha destinacionet turistike bregdetare qoftë në Shqipëri, qoftë në Ulqin’, ka deklaruar ai.
Por për këtë çështje, Kurtishaj deklaroi se paraprakisht kanë bërë një kërkesë për zgjidhje nga Qeveria.
‘Në këtë rast ne i kemi dërguar qeverisë së Kosovës kërkesën tonë për lirim për heqje të akcizës,për një periudhë të caktuar kohore, derisa të kemi një stabilitet në tre,nëse kjo nuk është e mundur që të hiqet akciza prej 36cent, pra të lirohemi nga TVSH-ja.’
Ndërkaq, ngritjen e çmimit të biletave për bregdete, e ka pohuar edhe drejtori i një Agjencioni Turistik.
‘Nga sot kemi fillu me një ngritje prej 5 euro në relacionet bregdetare nëse ka qenë 20 euro bileta kthyese ka kalu në 25 euro ose nëse ka qenë 15 është bë 20. Kështu qe nuk është ngritje aq enorme e papërballueshme,por sido që të jetë jemi kanë të detyrueshëm patjetër me bë një lëvizje të çmimeve’,ka thënë Januzi.
Por Januzi mendon se kjo ngritje e çmimeve, nuk do të ndikojë në interesimin e qytetarëve.
Por ndryshe shprehen vet qytetarët.
Që nga fillimi i agresionit rus në Ukrainë, çmimet e derivateve janë rritur vazhdimisht, ndërsa cmimi më i lartë është regjistruar së fundmi me 1.90 cent për litër.
Kronika e realizuar nga gazetarja Besiana Visoka
