Në “Këndi i Debatit” në Tëvë 1, Bajrami theksoi se disa kompromise që janë bërë në Kushtetutë, atë e bëjnë ndonjëherë edhe jofunksionale.
“Edhe Kushtetuta, edhe deklarata e Pavarësisë, edhe një pjesë e legjislacionit thelbësor esencial, janë kondicionu me ndikime ndërkombëtare. Dhe unë nuk i quaj këto negative, mendoj se kanë qenë pozitive, sepse Kosova në mungesë të përvojave të shtetndërtimit pas okupimit serb ka pasur nevojë për një impakt ndërkombëtar. Dhe është ndërtuar ky shtet dhe kjo Kushtetutë me këtë konstilacion çfare e kemi, me këto kompromise që nganjëherë shtetin e bëjnë edhe jofunksional”, tha ai.
Ish-ministri dhe ish-deputeti i PDK-së, shtoi se mundësitë për ndryshime thelbësore të Kushtetutës janë mjaft të limituara dhe nuk mund të krijohen pritje se do të shkruhet një Kushtetutë e re. /Teve1.info/
