Pavarësisht deklaratave të anëtarve të Lëvizjes Vetëvendosje se ka një ndasi mes kryetarit të Prishtinës, Përparim Rama (LDK) dhe PDK-së, Musmurati thotë se këto janë deklarata politike.
“Këto janë deklarata politike të cilat partitë politike mund t’i bëjnë në çdo kohë, por kjo nuk do të thotë se ato përkojnë me realitetin. Deri më tani ka qenë një bashkëpunim shumë i mirë dhe kemi pas përkrahjen e plotë për të gjitha projektet për të cilat kemi filluar t’i zhvillojmë qoftë në drejtori të Arsimit, qoftë në drejtori të tjera. Kështu që deri më tani, gjithçka ka shkuar mirë”, tha ajo në “Ditari” në Tëvë 1.
PDK-ja në qeverisjen e përbashkët me LDK-në në Komunën e Prishtinës ka pesë drejtori të cilat i udhëheq, përfshirë këtu edhe atë të arsimit. /Teve1.info/
