Sot, ka nis procesi i rregullimit dhe zbukurimit të shesheve kryesore të kryeqytetit, në prag të festave të fundvitit. Pjesë e dekorit do të jenë sheshi Skënderbeu, sheshi Nëne Tereza dhe sheshi Zahir Pajaziti.
Punëtorët kanë nisur vendosjen e ndriçimit dekorativ dhe elementeve festive, të cilat pritet t’i japin qytetit një pamje më të ngrohtë dhe festive, raporton KosovaPress.
Disa komuna në vend kanë dekoruar sheshet e tyre, derisa Prishtina këtë herë duket se ka vonesa për dekorimin e qytetit për shkak të procedurave buxhetore.
