Si 16 vjeçare iu bashkua Ushtrisë Çlirimtare të Kosovës në Koshare.
E dy vjet më vonë, ushtrisë me të njëjtin emër, iu bashkua edhe në Maqedoninë e Veriut.
E për herë të tretë, Shkodrane Zenuni nga Kumanova, akronimin më të famshëm të shqiptarëve, vendosi ta mbroj në Shkup.
Krejt kjo në protestën e organizuar të dielën nga Organizata e Veteranëve të Luftës, në mbështetje të ish-krerëve të UÇK-së, që ndodhen për gjykim në Hagë.
Përveç Shkodranës, sheshi “Skënderbeu” në Shkup, të dielën u bë pikëtakimi edhe i mijëra protestuesve të tjerë nga të gjitha trojet shqiptare.
E këtu nuk munguan as ish-komandantët e Ushtrisë Çlirimtare të Kosovës.
Pjesëmarrës në këtë protestë, ishin edhe politikanë shqiptarë nga Maqedonia e Veriut.
Por, edhe familjarët e atyre që tash e 5 vite po mbahen në paraburgim në Hagë.
Historia duket se u përcoll me krenari, edhe tek brezat e ri.
E kujtimet nga Shkupi, duket se do të mbesin gjatë në memorien e disa të tjerëve.
E historianët, tregojnë pse u përzgjodh pikërisht Shkupi për protestën e radhës.
Protesta në mbështetje të ish-krerëve të UÇK-së, përfundoi në ora 14:00.
Pas kësaj, protestuesit u shpërndanë të qetë.
