Përmes njofitmit, MSH bëri të ditur se nga Klinika Infektive kishte pranuar një raportim për rast të dyshimtë për pacientin mashkull nga Komuna e Dragashit.
“Siç dihet nga njoftimet paraprake të MSh-së, me datë 3 qershor 2022 në ora 17:41, IKShPK ka pranuar nga Klinika Infektive-QKUK një raportim për një rast të dyshimtë me Linë e majmunëve (Monkeypox), për një pacient mashkull (1953) nga komuna e Dragashit, i hospitalizuar në këtë klinikë, dhe të cilit i ishte marrë mostra nga ndryshimi lëkuror për t’u dërguar për analiza laboratorike në Holandë. IKShPK është njoftuar sot nga laboratorët respektiv të këtij shteti, që kjo mostër ka rezultuar negative dhe rasti në fjalë nuk ka rezultuar të jetë i prekur nga Lia e majmunëve”, thuhet ndër tjerash në njoftim.
Tutje, Ministria ka bërë apel nga qytetarët që përkudnër situatës së qetë epidemiologjike në vend, të kenë kujdes në zbatimin e masave preventive.
