Nait Hasani, kandidat për deputet në listën e PDK-së, ka thënë se ai personalisht ishte që në zgjedhjet e 28 dhjetorit të kishte një bashkëpunim me Nismën Socialdemokrate.
Hasani ka thënë se ai ishte që të ketë një shkrirje të Nismës në listën e tyre dhe këtë ia ka kërkuar kryetarit të partisë, Bedri Hamza dhe kryesisë.
Ai në emisionin “InfoNata” në Tëvë1, ka thënë se mosbashkëpunimi me Nismën ishte një gabim.
“Mendoj që ka mund të jetë e shkrime Nisma Socialdemokrate brenda kësaj liste dhe të gjithë ata kanë qenë pjesë e PDK-së. Në rrethanat e sotme të gjithë kanë mundur të jenë pjesë e kësaj liste. Kam kërkuar nga kryetari Bedri Hamza, nga kryesia, ta shkrijmë dhe ta tregojmë unitetit dhe frymën politike për të ardhmen e vendit. Është një gabim, i cili ka mund të sjellë një fitore edhe më të madhe, një frymë më e fuqishme”, ka thënë Hasani.
Megjithatë ai ka thënë se kjo nuk e dëmton PDK-në.
“PDK-së nuk i kushton do të sillte një frymë dhe një rritje më e madhe, por dëm nuk i bën”, tha Hasani.
Sa i përket bashkëpunimit me Vetëvendosjen, Hasani ka thënë se ka “vija të kuqe”, ndonëse thotë se për një kërkesë të tillë nuk ka marrë përgjigje nga partia.
