Osmani ka theksuar se zgjidhja e vetme që e vulos paqen afatgjatë, është njohja reciproke e Serbisë ndaj Kosovës.
“Ne besojmë që në këtë proces është shumë me rëndësi që të flasim se cila është zgjidhja e vetme që e vulos paqen afatgjatë, e ajo është njohja reciproke. Vetëm kur Serbia ta njohë realitetin e Kosovës së pavarur, realitet që nuk ka prapakthim , realitet që këtu është për të qëndruar përgjithmonë e atëherë ne vërtetë do ta shohim paqen afatgjatë përpara dhe do ta shohim hapa konkret për të gjithë rajonin tonë drejt anëtarësimit në Bashkimin Evropian”, tha ajo.
Tutje Presidentja u shpreh se Kosova ka vënë propozime konkrete në takime me nivel liderësh në Bruksel ka dhënë propozime që do të sillnin më shumë paqe dhe stabilitet në rajonin e Ballkanit Perëndimor.
“Shpresojmë shumë që sa më parë Serbia të bëjë hapa në drejtim të njohjes së Republikës së Kosovës e cila po ashtu do të krijonte hapësirë për ndërtimin e raporteve të mira ndër fqinjësore dhe anëtarësim në struktura euroatlantike. Kosova asnjëherë deri sot nuk ka qenë bllokuese e procesit të dialogut përkundrazi ka qenë dhe do të mbetet edhe në të ardhmen si palë konstruktive”, tha Osmani.
Gjatë konferencës presidentja deklaroi po ashtu se Kosova çdoherë e ka dëshmuar se ka qëllim që të krijoj raporte të mira ndër fqinjësore duke u bazuar në Bashkimit Evropian./Teve1.info
