Rreth 288,000 familje palestineze kanë mbetur pa strehë ndërsa stuhia Byron i afrohet Rripit të Gazës, raportoi për Al Jazeera drejtori i Zyrës së Medias Qeveritare në territor, Ismail al-Thawabta.
Sipas al-Thawabta, duhej të futeshin në Gaza rreth 250,000 tenda dhe shtëpi të lëvizshme, por aktualisht 6,000 kamionë “të ngarkuar me ndihma janë të bllokuara në kalime”.
Ai bëri një thirrje urgjente drejtuar komunitetit ndërkombëtar, duke përfshirë Presidentin [e Shteteve të Bashkuara] Trump dhe Këshillin e Sigurimit [të Kombeve të Bashkuara], “që të ushtrojnë presion mbi pushtimin izraelit”.
Siç është raportuar më herët, organizatat e të drejtave të njeriut i kanë kërkuar gjithashtu Izraelit të lejojë hyrjen e shtyllave të tendave, mjeteve dhe materialeve të tjera të ndaluara ende në Rrip, në një kohë kur palestinezët po përballen me një stuhi të re të fortë dimërore.
Ndërkohë, ushtria izraelite ka vijuar bombardimet në Gaza pavarësisht armëpushimit të tetorit dhe ka sinjalizuar se do të vazhdojë operacionet nëse e gjykon të nevojshme, ndërsa ndërmjetësuesit përpiqen të avancojnë në fazën e dytë të marrëveshjes.
Izraeli gjithashtu mban kontroll të drejtpërdrejtë ushtarak mbi më shumë se gjysmën e territorit të Gazës edhe pas armëpushimit, duke detyruar qindra mijëra palestinezë të grumbullohen në zona shumë të kufizuara të enklavës.
