Kryeministri në detyrë i Kosovës, Albin Kurti, priti mëngjesin e sotëm në takim autorin, gazetarin dhe producentin radiofonik francez, Philippe Collin, i shoqëruar nga Ambasadori i Francës në Kosovë, Olivier Guerot.
Sipas Zyrës së Kryeministrit, në bisedën e tyre, u diskutua për historinë e letërsisë, si dhe për çështjet aktuale gjeopolitike dhe dinamikat sociale në kontinentin evropian.
“Philippe Collin i dhuroi kryeministrit romanin e tij të publikuar vitin e kaluar me titull “Barmeni i Ritzit”, ku trajtohen ngjarje nga okupimi nazist i Francës gjatë Luftës së Dytë Botërore, bazuar në historinë e vërtetë dhe spektrin e shankistit Frank Mejer, nga hoteli Ritz në Paris”, thuhet në njoftim.
Në fund thuhet se, Kurti e falënderoi për bisedën dhe librin, duke theksuar rëndësinë e shkëmbimit kulturor dhe vlerësimin për krijimtarinë dhe punën e autorit./teve1.info/
