Zyrtari i PDK-së, Bernard Nikaj, nuk do të garojë për deputet në zgjedhjet e 28 dhjetorit.
Kjo, pasi thotë se do të punojë për përgatitjen e programit elektoral dhe angazhime të tjera, të cilat do të çojnë në fitoren e PDK-së.
“Kosova ka nevojë për stabilitet, zhvillim ekonomik, arsim cilësor dhe një proces të shpejtë integrues në BE. Unë do të jem këtu çdo ditë për të ndihmuar që ky vizion të bëhet realitet, me punë të palodhur, ide inovative dhe përkushtim të vazhdueshëm”, ka shkruar ai në Facebook.
Ai tha se do të angazhohet çdo ditë duke kontribuuar në punë, ide e përkushtime.
“Uroj shumë fat dhe suksese kolegëve të mi që do të jenë pjesë e listës së kandidatëve. Secili prej tyre përfaqëson përkushtimin, punën dhe vizionin e PDK-së për një Kosovë më të zhvilluar dhe të begatë”, ka shkruar ai.
Ai u shpreh i sigurt se PDK-ja do të zhvillojë një fushatë dinamike. /teve1.info/
