Hetemi nga maji i vitit 2023, kur mori detyrën si kryetar komune i Leposaviqit qëndroi brenda objektit të Komunës.
Jashtë doli, në dhjetorin e vitit 2024.
E përfundimisht objektin e la, pasi kreu detyrën në dhjetorin e vitit 2025.
Vendi e tij do ta zë një kryetar tjetër i cili vie nga komuniteti serb.
Zoran Todiq bashkë me asamblistët tjerë ia mësyn objektit komunal, paraditen e së premtes.
Bashkë me ta edhe ish-deputeti i Listës Serbe, Sllavko Simiq.
Me të hyrë në sallë ata zunë vendet e tyre.
Përballë kishin flamurin e Republikës së Kosovës, dhe fotografinë e presidentes, Vjosa Osmani.
Edhe në deklaratën për betim të tyre ata e kishin me flamurin e shtetit dhe stemën e Komunës e te dyja këto në gjuhë shqipe.
Me të përfunduar peocedurat, anëtarët e Kuvendit Komunal njëzëri u betuan në gjuhën serbe.
E Todiq, që nuk pranoi të dalë para flamurit të Kosovës, mbajti një fjalim para asblistëve.
“Në seancat e radhës do t’iu informoj edhe juve edhe qytetarët tanë për gjendjen që kemi gjetur në komunën tonë pas marrjes së detyrës si dhe planet e ardhshme sa i përket zhvillimit të komunës tonë. E shfrytëzoj rastin t’i falënderoj të gjithë qytetarët e Komunës së Leposaviqit të cilët edhe këtë herë në zgjedhjet e kaluara i dhanë besimin edhe mua edhe asamblistëve si dhe Listës Serbe”, deklaroi ai.
Në këtë seancë nuk u zgjodh kryesuesi i Kuvendit, duke u bërë e ditur se do të bëhet ditëve në vazhdim.
Gjate ditës në qytet, kishte lëvizje të ushtarëve të KFOR-it dhe Policisë së Kosovës.
