Kryetari i sapozgjedhur i Komunës së Skenderajt, Sami Lushtaku, ka marrë vendimin e tij të parë pas marrjes së detyrës, duke emëruar Fadil Nurën në pozitën e nënkryetarit të komunës.
Lushtaku e ka cilësuar Nurën si mik dhe bashkëpunëtor shumëvjeçar, duke theksuar se përvoja dhe profesionalizmi i tij do të jenë të rëndësishme për zhvillimin e projekteve komunale.
“Me vendimin tim të parë si kryetar i Komunës së Skenderajt, kam emëruar Fadil Nurën nënkryetar komune, një mik e bashkëpunëtor i imi për vite me radhë. Me bashkëpunimin tonë shumëvjeçar, me përvojën dhe profesionalizmin që e ka dëshmuar në çdo detyrë, jam i bindur se do të punojmë krah për krah për t’i çuar përpara projektet që i kemi nisur gjatë mandatit të Fadilit si kryetar, duke u ofruar qytetarëve punë të ndershme dhe rezultate konkrete”, ka shkruar Lushtaku në Facebook.
