Valon Prebreza, ka njoftuar se sot është betuar para Kuvendit Komunal të Fushë Kosovës, për të marrë zyrtarisht mandatin e kryetarit të kësaj komune.
Kështu ka njoftuar ai përmes një postimi në Facebook, ku tha se do t’i shërbejë çdo qytetari pa asnjë dallim.
“Të dashur qytetarë të Fushë Kosovës, Sot u betova para Kuvendit Komunal të Fushë-Kosovës, për të marrë zyrtarisht mandatin e Kryetarit të Komunës. Detyra zyrtare, më obligon që t’i shërbejë secilit qytetar pa asnjë dallim. Unë zotohem se do të punoj me transparencë, ndershmëri, përkushtim dhe do të jem pranë të gjithëve. Faleminderit për besimin tuaj, për mbështetjen dhe së bashku do të bëjmë shumë punë!”, ka shkruar ai./teve1.info/
