Pacolli ka thënë se është i mirëseardhur votimi në parim i këtij projektligji që çon pagën minimale në 250 euro.
Por, sipas tij, përjashtimi i pjesëtarëve të UÇK-së dhe mënyra si është mbështetur ky votim, nuk ishte ajo që prisnin.
“Të votohet në parim projektligji që e çon pagën minimale në 250 Eu është shumë mirë dhe i mirëseardhur por përjashtimi i pjesëtarëve të UÇK-së nga ky projektligj dhe mënyra si u mbështet votimi për këtë, nuk ishte ajo që prisnim”, ka shkruar Pacolli në një postim në Facebook.
Sot Kuvendi i Kosovës ka miratuar në parim me 68 vota Projektligjin që i hap rrugë rritjes së pagës minimale.
“Pro” votuan deputetët e Lëvizjes Vetëvendosje dhe Listës Serbe, kurse deputetët nga komunitetet e tjera jo shumicë abstenuan, ndërsa opozita nuk mori pjesë fare në votim.
Më konkretisht për votuan 68 deputetë, ndërkohë kundër nuk kishte, kurse abstenuan 6 nga Grupi multietnik. /teve1.info/