Kryetari i Aleancës për Ardhmërinë e Kosovës, Ramush Haradinaj në 81 vjetorin e lindjes së ish-Presidentit Ibrahim Rugova ka kujtuar bashkëpunimin me të duke thënë se bashkë arritën t’i zhdukin ndasitë e theksuara që ishin brenda vendit.
Haradinaj kujton dhe mbështetjen që Rugova i dha në kohën kur po përballej me drejtësinë ndërkombëtare.
“Me Presidentin Rugova ishim bashkëpunëtorë në vitet e para të lirisë, pikërisht atëherë kur kishte sfida e tema me rëndësi nacionale. Bashkë arritëm t’i zhdukim ndasitë e theksuara që ishin brenda vendit. Në ditëlindjen e tij kujtoj idetë, qëndrimet, por edhe mbështetjen e tij në kohën kur ballafaqohesha me drejtësinë ndërkombëtare. Urime ditëlindja, President!”, ka shkruar Haradinaj./teve1.info/
