Jusuf Buxhovi, historian dhe publicistë ka përmendur katër figurat si më kryesoret që ndikuan në formimin e shtetit të Kosovës.
Sipas, tij, Hasan Prishtina, Fadil Hoxha, Ibrahim Rugova, Hashim Thaçi janë figurat që mund të vlerësohet si etërit e themelues të Kosovës.
Duke folur për figurën e Hashim Thaçit, ai ka vlerësuar si person historik.
“Unë mendoj se po, mendoj se Hashim Thaci është figurë kyçe, pavarësisht se i atribuohet ajo rezistencës së armatosur. Hashim Thaçi është ai i cili e ka udhëheq delegacionin e Kosovë në Rambuje, aty është edhe merita e Rugovës i cili ka tregu matunuri, sens politik, sepse asaj kohe arma ishte duhej t’ia përcaktonte politikës fatin”, ka thënë Buxhovi në emisionin “Këndi i Debatit” në Tëvë1.
Megjithatë ai ka thënë se leximi i deklaratës së pavarësisë, nuk e bënë autor të shpalljes së pavarësisë.
“Leximi i deklaratës së pavarësisë nuk do të thotë se e ka shpallur atë. Leximi i deklaratës është formal të cilin ka mundur ta lexojë kryetari i Kuvendit. Leximi i deklaratës së pavarësisë nuk e bënë autor të shpalljes së pavarësisë. Por, kjo nuk ja zvogëlon fare peshën dhe rolin e shtetndërtimit të Kosovës”, ka vlerësuar Buxhovi.
