Ai në emisionin “Ditari” në Tëvë 1 bëri të ditur se ndër propozimet e tyre ka qenë edhe heqja e akcizës për derivatet e cila aktualisht është 35 ose 36 cent.
“Ne mendojmë se për të dalë nga kriza Qeveria duhet të marr disa hapa për të mirë të qytetarit, bizneseve por edhe shtetit. Ne kemi propozuar dy modalitetet duke përdorur formën për ruajtjen e buxhetit për të mos rrezikuar atë duke heq akcizën e cila është tashmë 35-36 cent për shkak se kjo metodë apo formë është e re në Kosovë, formë e cila është praktikuar në të gjitha vendet pothuajse në Ballkan dhe Evropë, e ka apliku Sllovenia, Maqedonia, Mali i Zi tashmë e ka heq dhe nafta është 1 euro e 58 cent”, tha ai.
Madje, Shahini thekson se nëse ndodh heqja e akcizës, atëherë çmimi i naftës do të jetë për 35 cent më lirë.
“Për mos me humb strukturën dhe metodat e mbledhjes së akcizës, ministri e ka të drejtën të ulë akcizën dhe të jetë një cent akcizë dhe të jetë 35 kurse mbulimi i kësaj humbje është pikërisht nga baza e rritur e importeve të derivateve nga TVSH dhe Dogana. Aktualisht sipas analizave të AKB-së në Kosovë apo Doganat e Kosovës po mbledhin rreth 25-28 centë më shumë të hyra nga derivatet e paplanifikuara sepse askush s’ka planifikuar që nafta dhe derivatet do të shkojnë në këtë çmim dhe nëse do të hiqet akciza atëherë sot është 1 litër rreth 1.90 cent, sot do të jetë për 35 vcent më lirë dhe kjo është kërkesë e përkohshme”, shtoi ai.
Sipas tij, vendimi për tërheqjen e akcizës duhet të jetë i përkohshëm dhe se duhet zgjatur rreth tre muajsh, teksa shton se nga kjo përfiton shteti.
“Ministri i Financave nuk duhet të ketë frikë nga trashja e fitimit të bizneseve sepse nga kjo përfiton shteti, tatimi në fitim dhe kjo do të duhet të mburret nëse bizneset në këtë krizë kanë fitim por e vërteta është e kundërt për shkak se neve pikërisht për shkak të krizës së vazhdueshme që e kemi në tregun e Kosovës dhe jo gjithmonë me fajin Qeverisë por për shkak se jemi treg importues. Prandaj në këtë moment mendoj që ndihma më e madhe për qytetarët dhe bizneset kishte me qenë që të suspendohet akciza dhe të provohet për tre muaj sesi do të shkon edhe çmimi por edhe të hyrat”, shtoi ai./teve1.info/
