Ermal Sadiku, një nga emrat e njohur të inxhinierisë dhe inovacionit teknologjik në vend, i është bashkuar Lidhjes Demokratike të Kosovës.
Lajmin e ka bërë të ditur kreu i LDK-së, Lumir Abdixhiku, përmes një njoftimi publik.
Abdixhiku e ka cilësuar Sadikun si një prej profesionistëve më të përgatitur në fushën e teknologjisë dhe sipërmarrjes digjitale, duke theksuar se aderimi i tij përbën forcim të ekipit të LDK-së.
“Mirë se vjen, Ermal. Ai vjen me profesionalizëm, integritet dhe përvojë. Një adresë e tashme politike dhe e ardhme e sektorit me potencial në Kosovë”, ka shkruar Abdixhiku.
Abdixhiku tha se ardhja e Sadikut në LDK është një mesazh për hapje dhe bashkim të profesionistëve të rinj që besojnë në një të ardhme më të mirë për Kosovën.
“Dyert tona janë të hapura. Mirë se vjen, Ermal Sadiku! Paç shëndet e përkushtim në këtë rrugëtim të ri”, përfundoi ai. /teve1.info/
