Me gjashtë vota për, Komisioni Qendror i Zgjedhjeve ka miratuar propozimin e PDK-së, LDK-së dhe AAK-së që në buxhetin e propozuar nga Sekretariati të shtohet edhe shuma e nevojshme për realizimin e votimit nga jashtë përmes dërgimit të fletëvotimeve origjinale me postë.
Anëtari i Lëvizjes Vetëvendosje në KQZ, Alban Krasniqi, ka reaguar ndaj këtij vendimi duke paralajmëruar përgjegjësi për ata që votuan pro, nëse procesi i votimit të mërgatës dëmtohet.
“Më 12 dhjetor fillon afati për votim. Ju që keni votuar për, duhet t’i dini pasojat që keni me i pas, publikisht dhe administrativisht, nëse ia mohoni mërgatës votimin”, ka deklaruar Krasniqi.
Ndërkohë, kryesuesi i KQZ-së, Kreshnik Radoniqi, kërkoi rishikimin e afateve zgjedhore për t’i mundësuar diasporës më shumë kohë për të votuar, duke theksuar rëndësinë e pjesëmarrjes së votuesve jashtë vendit në procesin zgjedhor.
