Borussia Dortmundi po sfidon Bayern Munchenin e Barcelonën për shërbimet e sulmuesit të Kosovës, Fisnik Asllani.
Mediumet gjermane, kanë raportuar të martën se Dortmundi po synon transferimin e Asllanit me të përfunduar sezoni aktual.
Asllani këtë sezon po shkëlqen në Bundesligë me fanellën e Hoffenheimit, ndërsa ka tërhequr vëmendjen e shumë skuadrave tjera.
23-vjeçari po shihet te Dortmundi si pasardhës i Serhou Guirassyt, i cili pritet të largohet në verë.
Asllani ka kontratë deri në vitin 2029 me Hoffenheimin, ekip që për kartonin e tij po kërkon 30 milionë euro.
Nëse Asllani largohet për këtë çmim në verë, atëherë do të ishte njëri prej pesë shitjeve më të shtrenjta në historinë e Hoffenheimit.
Në 13 ndeshje të luajtura këtë sezon për Hoffenheimin, Asllani ka shënuar 6 gola dhe ka bërë 3 asisitime.
