Mesfushori i Kombëtares së Kosovës, Lindon Emërllahu do të largohet në afatin kalimtar të janarit nga Cluji, kanë konfirmuar drejtues të ekipit nga Rumania.
Pikërisht për këtë arsye, Cluji tashmë ka caktuar çmimin për Emërllahun, për kartonin e të cilit po kërkon të paktën 1.5 milionë euro.
Gjithashtu, Cluji ka mohuar transferimin e Emërllahut te Steaua, duke thënë se ka shumë skuadra tjera të interesuara për shërbimet e tij, përfshirë edhe një nga liga MLS e Shteteve të Bashkuara të Amerikës.
Javën e shkuar, u raportua se Emërllahu kishte marrëveshje personale me ekipin nga Rumania, Metalist kurse është përmenduar edhe interesimi nga disa skuadra gjermane.
22-vjeçari në fillim të këtij viti u transferua nga Ballkani te Cluji për 700 mijë euro, ndërsa me ekipin rumun ka kontratë deri në verën e vitit 2028.
Në 20 paraqitje në të gjitha garat këtë sezon, Emërllahu ka 4 gola dhe 2 asistime për Clujin, ndërsa me Kombëtaren e Kosovës ka shënuar 1 gola në 12 ndeshje të luajtura.
