Pezullim të transportit në Prishtinë nga nesër do të ketë edhe nga disa linjat private urbane që operojnë në kryeqytet, pasi për të hënën është pezulluar edhe transporti publik.
Këtë e ka bërë të ditur edhe Kompania “24 Yjet” .
Sipas njoftimit të kësaj kompanie, ata nuk janë paguar që nga muaji maj 2025 për shërbimet e ofruara sipas kontratës së lidhur me Komunën e Prishtinës.
“Që nga 1 janari 2025 kemi lidhur kontratë me komunën e Prishtinës ku ne paguhemi sipas kontratës, nga muaji maj 2025 nuk jemi paguar për shërbimet tona ku kjo ka vështirësuar tej mase punën për operimin e rregullt të vijave tona. Ne kemi pas takime të vazhdueshme me zyrtarët e komunës së Prishtinës ku jemi munduar që së bashku të mos vijmë në këtë pikë. Ne si kompani kemi mbuluar shpenzimet për aq sa kemi pasur mundësi por ju njoftojmë se nga nesër me datë 24.11.2025 jemi të detyruar të ndërpresim operimin në të gjitha linjat si 10, 10 A, 10B, 10 C si dhe linjën nr 20”, thuhet në njoftimin e lëshuar nga “24 Yjet”, thuhet në njoftim.
