Deputetët e dalë nga zgjedhjet parlamentare të 9 shkurtit u takuan 63 herë në sallën e Kuvendit të Kosovës.
Megjithatë, në rreth 750 minutat punë, ata nuk arritën të zgjedhin një Qeveri të re apo ta miratojnë buxhetin.
Madje, iu deshën 60 seanca për ta konstituuar Kuvendin.
Raporti i publikuar nga REL tregon se shumica e seancave në Kuvend zhvillohen për disa orë të shkurtra, megjithatë disa të tjera zgjasin më gjatë.
Seanca e 26 gushtit rezultoi të jetë më e gjatë, duke regjistruar minutat më të shumta të kaluar në sallë.
Përveç seancave konstituive, gjatë tetorit dhe nëntorit u mbajtën edhe dy seanca të veçanta për emërimin e “Mandatarit të parë” dhe “Mandatarit të dytë”.
Raporti thekson gjithashtu se disa seanca të jashtëzakonshme për miratimin e buxhetit kanë zgjatur mbi një orë.
Në këtë kontekst, Presidentja e Kosovës, Vjosa Osmani, shpërndau më 20 nëntor legjislaturën e nëntë të Kuvendit, duke vendosur që zgjedhjet e jashtëzakonshme të mbahen më 28 dhjetor.
