Zjarrfikësit dhe helikopterët e ushtrisë luftuan të mërkurën me një zjarr që dogji një lagje me shtëpi të vjetra prej druri në një qytet peshkimi në Japoninë jugperëndimore.
Zjarri la të vdekur një person, plagosi një tjetër dhe detyroi evakuimin e më shumë 170 njerëzve, raporton AP.
Një burrë rreth të 70-ave mbeti i zhdukur dhe zjarrfikësit më vonë gjetën një trup, ndërsa një grua rreth të 50-ave pësoi një lëndim të lehtë, tha ekipi i reagimit ndaj katastrofave të prefekturës Oita.
Dhjetëra automjete zjarrfikëse dhe më shumë se 200 zjarrfikës u mobilizuan për të luftuar zjarrin, i cili nuk ishte ende nën kontroll të plotë më shumë se një ditë pasi filloi. Forca Tokësore e Vetëmbrojtjes dërgoi dy helikopterë ushtarakë UH-1 për të ndihmuar.
Mund të duhen edhe disa ditë para se zjarri të shuhet plotësisht, u tha gazetarëve kryebashkiaku i qytetit Shinya Adachi pasi vizitoi lagjen e shkatërruar të mërkurën.
Të paktën 170 shtëpi janë dëmtuar ose djegur, tha ekipi i reagimit ndaj fatkeqësive.
Autoritetet po hetojnë ende shkakun e zjarrit dhe mënyrën se si u përhap.
