Senati amerikan ka kaluar një projektligj të mërkurën që e detyron Departamentin e Drejtësisë që të publikojë dosjet mbi të akuzuarin për krize seksuale, Jeffrey Epstein.
Si rrallëherë, republikanët dhe demokratët në senat u pajtuan të martën për të kaluar projektligjin menjëherë pasi u dërgua në Dhomën e Përfaqësusesve.
Përpjekja vendimtare, dypartiake, tregoi presionin në rritje mbi ligjvënësit dhe administratën Trump për të përmbushur kërkesat e mbajtura prej kohësh që Departamenti i Drejtësisë të publikojë dosjet e çështjes ndaj Epstein , një financier me lidhje të mira i cili vrau veten ndërsa priste gjyqin në vitin 2019 me akuzat se abuzoi seksualisht dhe trafikoi vajza të mitura.
Projektligji detyron publikimin brenda 30 ditëve të të gjitha dosjeve dhe komunikimeve që lidhen me Epstein, si dhe çdo informacion në lidhje me hetimin për vdekjen e tij në burgun federal, raporton Associated Press.
Projektligji do të kalojë për nënshkrim nga presidenti amerikan, Donald Trump, i cili pas kundërshtimit të fuqishëm më parë, ditëve të fundit është pajtuar që të nënshkruajë atë.
