Dëshmitari i fundit i mbrojtjes, e përfundoi dëshminë të martën.
Por, palët u kthyen sërish në gjykatore të mërkurën.
Krejt kjo, për ta mbajtur një konferencë mbi ecurinë e cështjes në rastin “Thaci dhe të tjerët” në Dhomat e Specializuara në Hagë.
I vetmi nga katër të akuzuarit në sallë, ishte Jakup Krasniqi.
Ndërsa konferencën përmes videos, e ndogjën Thaci, Veseli e Selimi.
Prokurori James Pace, kërkoi që dosjet përfundimtare të dorëzohen deri më 30 janar të vitit të ardhshëm.
“Kjo është paraprake, sa i takon deklaratave përmbyllëse është 20 ditë pas dosjes përfundimtare, duke pasur parasysh kompleksitetin e çështjes, nëse ka pasur apo ajo përgjigje me shkrim, propozojmë që deklaratat përmbyllëse t’i mbajmë jo më vonë se 45 ditë nga dorëzimi i dosjet përfundimtare”, ka thënë Prokurori.
E njëjtë u shpreh, edhe avokatit i Hashim Thacit, Mishetiq.
“Prioriteti duhet të jetë dorëzimi i dosjes përfundimtare. Do të kërkojmë një seancë të plotë për mbrojtjen e Thaçit për të paraqitur parashtrimet e fundit përfundimtare”, është shprehur avokati i Thaçit.
E përfaqësuesi i viktimave, Simon Laws, kundërshtoi që trupi gjykues në rast se të akuzuarit shpallen fajtorë, t’i udhëzojë viktimat për padi civile në Kosovë.
Sipas tij, një numër i madh i viktimave nuk jetojnë në Kosovë.
“Viktimat që kërkojnë drejtësi në gjykatat civile në Kosovë do të përfshinte gjasat e mëdha për korrupsion dhe ndërhyrje në sistem ligjor në Kosovë. Probleme lidhur me ekzekutimin e vendimeve të gjykatave përkundrejt aseteve që ndodhen në vendet që nuk kanë lidhje diplomatike apo juridike me Kosovën fakti që ekzistojnë burime financiare mund të mos jenë të mjaftueshme”, ka thënë Laws.
Me këtë parashtrim, u pajtua prokurori James Pace.
Ndërsa pala mbrojtëse, tha se këto janë çështja që duhet të trajtohen më vonë.
