Kryetari i zgjedhur i Mitrovicës, Faton Peci, ka akuzuar kryetarin e sapozgjedhur të Partisë Demokratike të Kosovës (PDK), Bedri Hamza, për abuzime financiare në komunë.
Sipas Pecit, Hamza po përdor fonde të komunës për të mbështetur portale lokale dhe për subvencione, leje ndërtimi dhe mbindërtimi gjatë periudhës tranzitore.
“Lëri manovrat me abuzime financiare në komunë, për portale me parat e qytetarëve të Mitrovicës. Në këtë periudhë tranzicioni, administratës komunale i bëj thirrje publike: lërini manovrat me subvencione e leje ndërtimore e mbindertimi. Leri nderhyrjet ne protokollin e arkives dhe manipulimin me data. Nuk keni legjitimitet e as legalitet”, ka shkruar Peci në Facebook.
Ai gjithashtu paralajmëroi se çdo vendim i tillë nga periudha e fillimit të fushatës do të rishikohet.
“Ju siguroj që çdo vendim i tillë nga periudha e fillimit të fushatës do të rishikohet, dhe portalet lokale le të përgatiten fort për të bërë opozitë për herë të parë, sepse asnjë cent nuk do ta marrin nga buxheti i komunës për 4 vitet e ardhshme. As mos shpresoni”, ka shtuar Peci.
Peci tha se qytetarët e Mitrovicës kanë vendosur përfundimisht t’i japin fund abuzimeve me paratë publike.
“Qyteti e di që 65% e keni pasur përqindjen, por ja që tashmë qytetari i Mitrovicës ka vendosur t’i japë fund abuzimeve me paratë e taksapaguesve. Mitrovica ka folur qartë, koha e llogaridhënies ka ardhur”, ka përfunduar ai./teve1.info/
