Në manifestimin me moton “Nga Eksodi në Liri”, Kurti në fjalën e tij tha se në momente të tilla duke kujtuar luftën të gjithë duhet të punojnë bashkë për ta bërë më të mirën për të ardhmen e vendit.
“Sot bëhen plot 23 vjet nga koha e çlirimit të vendit tonë, 23 vjet rrugëtim për të arritur lirinë që e kemi ëndërruar gjithmonë, 23 vite kur aeroplanëve të NATO-s mbi Kosovë iu bashkëngjit këmbësoria e NATO-s në Kosovë teksa largonte forcat e Serbisë dhe takonte ushtarët e UÇK-së dhe refugjatët civil…Në veçanti jemi duke punuar fort në adresimin institucional të së kaluarës si dhe bërjen përgjegjëse të Serbisë për krimet e saj të kryera në Kosovë mbi ne, prandaj në momente si kjo ne duhet të bëhemi baskë e duke kujtuar luftën ta ruajmë paqen, ta shpërngojmë fort dhimbjen që ndjenjë e të zotohemi se do të bëjmë më të mirën për të ardhmen këtij vendi , të brezit tonë e të gjeneratave që vijnë”, tha Kurti.
Gjatë fjalimit të tij Kryeministri Kurti theksoi se qëndrimi në Bllacë është një ndjenjë e pa përshkruar duke u shprehur se qindra mijëra shqiptar kanë kaluar ditë e net të tëra në baltë, diell e shi të lodhur fizikisht e shpirtërisht duke shpresuar që shpëtimi të gjendet përtej kufirit.
“Sa herë që mbërrijmë në këtë datë ta shënojmë një përpjekje të re të madhe në programin socio -ekonomik dhe një kërkesë më të lartë në Integrimin Evropian e Euroatlantik, në këtë mënyrë duhet ta festojmë ditën e çlirimit të Kosovës, duke deklaruar përpjekjet e reja në kuadrin e realizimit të projektit ku na vendos çlirimi ynë. Çlirimi ynë prej pushtuesit duhet të kthehet dhe të përmbushet progresivishtë në emancipim të vetvetes. Le të kujtojmë e përkujtojmë së bashku të kaluarën që të mendojmë më shumë e më mirë për të ardhmen”, tha Kurti.
