Një zjarr i madh ka shpërthyer në orët e mëngjesit në lagjen “Arbana” në Prizren, duke përfshirë një punëtori për prodhimin e roletave.
Zjarrfikësit kanë reaguar menjëherë dhe janë duke punuar për ta lokalizuar dhe shuar zjarrin.
Kështu ka bërë të ditur për tëvë1.info zëdhënësi i Policisë për rajonin e Prizrenit, Shaqir Bytyqi.
“Prokurori i shtetit është njoftuar dhe me urdhër të tij është iniciuar rasti ‘Incident zjarri’. Hetimet po zhvillohen nga Sektori Rajonal i Hetimeve në bashkërendim me Prokurorinë Themelore,” ka deklaruar ai.
Hetimet për shkaqet e shpërthimit të zjarrit po vazhdojnë.
