Ish – komandanti i NATO-s, Wesley Clark gjatë dëshmisë në Hagë është pyetur nëse kishte identifikuar ndonjë komandat të vetëm të UÇK-së.
Ai në përgjigjen e tij ka thënë se nuk ka arritur ta bëjë një gjë të tillë, por ka thënë se nga ajo cfarë ka parë, Agim Çeku ishte përgjegjës.
Nuk e kam identifikuar për asnjë moment, mënyra se si kam parë unë ngjarjet është se Çeku ka qenë përgjegjës”, ka thënë Clark.
Ai ka mohuar se ka marrë informacione nga Thaçi mbi objektivat serbe gjatë bombardimeve të NATO-s.
“Po e merrnim nga të gjitha burimet e mundshme por siç thash në deklaratat e mia dje, nuk kam marrë asnjë gjë nga Thaçi i cili siç e dini pretendohet të ketë qenë përgjegjës. Tek unë nuk ka ardhur. Është nxjerrë nga nivele me të ulëta, nga biseda joformale dhe kam marrë përshtypjet e forcave të mia speciale që ishin në Kukës”, tha Clark.
