Policia e Kosovës është në kërkim të një 20-vjeçari, i dyshuar për tri vepra penale në Pejë.
Në njoftimin e PK-së thuhet se i dyshuari po kërkohet për mbajtje në pronësi, kontroll apo posedim të paautorizuar të armëve, lëndim të lehtë trupor dhe kanosje.
“Ju njoftojmë se dy prej personave të shpallur në kërkim: ISMET (Rexhep) KELMENDI, i lindur më 09.09.2005 në Pejë, PREMTON (Megjid) BERISHA, i lindur më 11.09.2005 në Pejë janë dorëzuar në polici dhe nuk figurojnë më si persona në kërkim. Aktualisht, në kërkim nga Policia e Kosovës mbetet: VALTRIM (Shefqet) KELMENDI, i lindur më 28.02.2005 në Pejë”, thuhet në njoftimin e Policisë.
Më tej është bërë thirrje për qytetarët që t’i lajmërojnë autoritetet kompetente për çfarëdo informacioni që mund të kenë për vendndodhjen e të dyshuarit./teve.info/
