Dy vajza, të mitura kanë raportuar se janë sulmuar fizikisht nga babi i tyre.
Rasti është raportuar te ketë ndodhur në Prishtinë, kur burri i ndarë nga gruaja ka marrë për vizitë vajzat e tij, të cilat pasi kishin refuzuar të qëndrojnë edhe gjatë natës me babin e tyre, janë sulmuar.
Rasti sipas PK-së ka ndodhur më 21.09.2025.
“Është raportuar se me datën e cekur, ish-bashkëshorti ka marrë dy vajzat e mitura për vizitë dhe meqë vajzat nuk kanë dashur të kalojnë natën tek i dyshuari, dyshohet se i kishte sulmuar fizikisht. Lidhur me rastin, është informuar edhe QPS-ja, ndërsa nuk dihet për vendndodhjen e të dyshuarit. Është informuar prokurori, ndërsa njësitet policore janë duke hetuar rastin”, thuhet në raportin 24- orësh.
