Policia e Kosovës ka bërë apel për kujdes gjatë vozitjes dhe përshtatje të shpejtësisë së lëvizjes me kushtet atmosferike.
Apeli i Policisë vije pasi vendi është përfshirë nga reshje të shiut.
Në disa rrugë, lëvizja është vështirësuar për shkak të reshjeve.
“Bazuar në situatën e tanishme ku kemi ndryshim të kushteve atmosferike dhe reshje të shiut, Policia e Kosovës APELON tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me ujë”, thuhet në apelin e PK-së.
