Në një fjalim para delegatëve të Konventës së Partisë Demokratike të Kosovës (PDK), Memli Krasniq, i cili ka udhëhequr partinë për 1600 ditë, ka shpallur dorëheqjen e tij nga ky post
Pas një periudhe të “ngarkuar dhe sfiduese” për partinë, ai e arsyetoi këtë hap si një mundësi për një “momentum të ri” dhe një “kapitull të ri” për PDK-në.
Në fjalën e tij, ai theksoi se PDK ka kaluar nga një periudhë e vështirë, me rezultate nga zgjedhjet e së kaluarës në një forcë më të madhe dhe më të konsoliduar, duke fituar besimin e qytetarëve dhe rikthyer stabilitetin brenda strukturës.
Ai gjithashtu kritikoi qeverisjen e aktuale dhe e cilësoi Kosovën si të ndodhur në një krizë të thellë, duke kërkuar një alternativë të fortë dhe të qëndrueshme për të udhëhequr vendin.
Ai dorëzoi postin e kryetarit me qëllimin që PDK të rifitojë energji të re dhe të jetë e përgatitur për zgjedhjet e ardhshme.
“Unë po e bëj këtë hap, sepse besoj thellë se PDK ka nevojë për një moment të ri unifikimi”, tha ai, duke shtuar se çdo kandidat i ri do të ketë mbështetje të plotë nga ai dhe nga gjithë struktura e partisë.
Në përmbyllje të fjalës së tij, ai u shpreh se PDK është “shtëpia” e tij politike dhe e ftoi secilin anëtar të bashkohet dhe të rikthehet në këtë shtëpi për të vazhduar përpjekjet për një Kosovë të zhvilluar dhe të qëndrueshme. /teve1.info/
