Ish-komandanti i NATO-s, Wesley Clark gjatë dëshmisë në Hagë, ka thënë se ishte në Maqedoni, kur mori lajmin për vrasjen e familjes Jashri në Prekaz nga ushtria serbe.
Ai ka thënë se pas kësaj ambasador i ShBA-së në Maqedoni në atë kohë Chrisofer Hill i kishte sugjeruar që ta takojë presidentin e Maqedonisë, Kiro Gligorov.
Clark duke kujtuar bisedën me presidentin maqedonas, ka kujtuar fjalët që i kishte thënë Gligerov, se shqiptarët nuk do ta falin këtë vrasje dhe do të kundërpërgjigjën.
“Shkova në Maqeodni, më duket se kanë qenë ditë e para të marsit kishim një task –forcë amerikane të vendosur atje, shkoja ta inspektoja. Menjëherë me merr ambasadori amerikan në Shkup, Cris Hill konkretisht dhe më thotë ‘ duhet të flisni menjëherë me presidentin maqedonas , Gligorov. Kisha dëgjuar raporte se ishte vrarë familja Jashari, kishte shqetësime për këtë gjë, por kur shkova të takoj presidentin Gliegrov, ai më shpjegoi se tani do të fillojë një konflikt për shkak të saj. Kjo vrasje do të nxisë një konflikt. Ai më tha ‘shqiptarët do të kundërpërgjigjen, nuk do ta pranojnë këtë që ndodhi, shqiptarët do t’i përgjigjen kësaj vrasje’”, ka thënë Clark, raporton teve1.info.
Ai tha se fjalët e presidentin maqedonas i mori seriozisht
Clark ka thënë se pas bisedës me presidentin maqedonas ka kontaktuar Pentagonin për ta informuar se Sllobodan Millosheviqi do të krijonte konflikt të ri.
“Pasi kontaktova presidentin Gligerova, Kontaktova menjëherë Pentagonin t’i njoftoja Pentagonin dhe personelin përkatës atje dhe t’i paralajmëroja se Millosheviqi do të krijonte një konflikt të ri dhe do të çelte një konflikt të ri dhe u sugjerova se mbase duhet përsëritur paralajmërimi i ashtuquajturi i “krishtlindjes i vitit 1992”. Në këtë pikë, ShBA dhe NATO “thanë po ne s’kemi asnjë politikë për Kosovën. Dhe gjatë periudhës 98-99 sulmet serbe u përshkallëzuan aq shuam sa ministrat e Jashtëm filluan të kontaktojnë me Sekretarin e shtetit amerikan për këtë problem. Dhe unë mendoja se dinim çfarë duhet të bëjmë”, ka thënë Clark.
