Në Qendrën e Numërimit dhe Rezultateve të shtunën ka përfunduar procesi i numërimit të votave nga diaspora, votave me kusht dhe atyre të personave me nevoja të veçanta, në kuadër të balotazhit të zgjedhjeve lokale më 9 nëntor.
Në Viti, Sokol Haliti i LDK-së e konfirmoi mandatin e radhës në krye të komunës.
Në Prishtinë, Hajrulla Çeku nga Lëvizja Vetëvendosje siguroi 82 vota me kusht, ndërsa Përparim Rama i LDK-së mori 54.
Sa i përket votave të personave me nevoja të veçanta, Rama grumbulloi 108 vota, ndërsa Çeku 68.
Nga diaspora, kandidati i LVV-së mori 395 vota, kurse kryetari aktual i Prishtinës 168.
Në Mitrovicën e Jugut, në votat me kusht prin Faton Peci i LVV-së me 70 vota, ndërsa Arian Tahiri i PDK-së ka marrë 39.
Në votat e personave me nevoja të veçanta, Tahiri siguroi 38 vota, ndërsa Peci 26.
Nga diaspora, Peci mori 298 vota dhe Tahiri 126.
Në Gjilan, Alban Hyseni ka siguruar shumicën e votave me kusht dhe atyre të nevojave të veçanta.
Kryetari i Prizrenit, Shaqir Totaj, nga votimi me postë ka marrë 254 vota.
Rezultati i përmbledhur nga numërimi i të gjitha votave nxjerr Totajn fitues me mbi 25 mijë vota.
Sipas të dhënave të shpallura në ueb-faqen e KQZ-së, kandidati i LDK-së, Gazmend Muhaxheri, ka marrë 56.22% apo 303 vota të mërgimtarëve.
Kandidati i Vetëvendosjes për kryetar të Obiliqit, Halil Thaçi, ka pri me votat e diasporës, ku Thaçi ka marrë 77.78% apo 70 vota.
Në komunën e Vitisë, ku rezultati mes Sokol Halitit të LDK-së dhe Arsim Ademit të VV-së ka qenë i ngushtë. Megjithatë edhe pas numërimit të votave me postë nga të cilat Ademi ka marrë 317 dhe Sokol Haliti 234.
Sipas KQZ-së, 12, 018 pako të fletëvotimeve janë të pranuara në Kosovë, 8,932 kanë qenë të aprovuara, 3,086 të refuzuara, ku arsyeja e refuzimit sipas KQZ-së është mungesa e dëftesës së regjistrimit në 3,009 raste./teve1.info/
