Sipas njoftimit të Qeverisë, në vetëm tre ditë, janë shkarkuar rreth 20 mijë certifikata të gjendjes civile.
“Interesim i lartë i qytetarëve për të përdorur shërbimet elektronike të sapo lansuar në platformën E-Kosova. Në vetëm tre ditë, janë shkarkuar rreth 20 mijë çertifikata të gjendjes civile”, thuhet në njoftim.
Po ashtu nga Qeveria kanë thënë se do të vazhdojnë me digjitalizimin e shërbimeve.
“Do të vazhdojmë me digjitalizimin e shërbimeve duke synuar shërbime më efikase, më cilësore e më të qasshme. Nga e enjtja e kësaj javë certifikatën e lindjes, ekstraktin e lindjes, certifikatën e martesës dhe certifikatën e vdekjes, si dhe shërbimin për vazhdimin e regjistrimit të veturës dhe rezervimin e targave mund ta bëni në https://ekosova.rks-gov.net/”, thuhet më tej në njoftim. /teve1.info/
