Autore: Adea Mustafaj
Dolli po ngrejn për marrveshjen milionshe të nënshkruar këtëmbrëmje të së hënës.
International Finance Corporation dhe Prishtina Mall nënshkrua marrveshjen 75 milionshe.
E në këtë mbrëmje të rëndësishëm për këtë qendrë tregtare, kryeshefi i bordit, Fatmir Zymberi kujtoi me nostalgji hedhjen e gurthemelit të parë të kësaj qëndres.
Ndërsa shprehet i lumtur për sukseset që po arrin qendra më e madhe tregtare në Evropën Juglindore.
E nga kjo marrëveshje Zymberi u shpreh se do të ndihmojnë në zhvillimin e qëndrueshëm të kësaj kompanie, përfshirë energjinë e gjelbër dhe digjitalizimin.
“Ky bashkëpunim do të jetë niveli. Prishtina Mall do të jetë në një nivel tjetër që do të thotë ka fokus të veçantë në energjinë e gjelbër me rrjetin për prodhimin e energjisë, sepse Prishtina Mall është shpenzues i madh i energjisë elektrike, digjitalizimit, por edhe pjesa e zhvillimit tutje. Prishtina Mall është ende në gjysmë rruge duke u zhvilluar kështu që ky proces e do edhe një bashkëpunim shumë më të fortë financiar për të bërë një projekt të tillë shumëvjeçar të qëndrueshëm”, tha Fatmir Ztmberi –kryeshef i bordit të Prishtina Mall.
Në këtë natë fjalen e morri edhe zyrtari i IFC për Kosovë dhe Maqedoninë e Veriut, Visar Perani, ku u shpreh se ky momen ishte dëshmi se Banka Botërore dhe IFC ka besim në sektorin privat në Kosovë.
“Bashkëpunimi mes IFC dhe Prishtina Mall po e dëshmon që IFC dhe Banka Botërore ka besim në sektorin privat në Kosovë dhe po shpresojmë qe me disa kompani qe jeni këtu do të bashkëpunojmë edhe në mënyra të tjera. Dhe ne jemi më se të hapur për t’iu ndihmuar. Përveç financimit… përvoja që e sjellim ne përmes këshillimeve është po aq e rëndësishme”, tha Visar Perani, zyrtar i lartë i IFC për Kosovë dhe Maqedoninë e Veriut.
Ndërsa kryeshefi ekzekutiv i Prishtina Mall, Alvaro Costa tha se kjo marrveshje që jo vetëm do forcoj financiarisht, por do të ndihmojë për një të ardhme të qëndrueshme të kësaj qendre tregtare.
“Tani po hyjmë në një fazë të re në jetën e Prishtina Mall, një fazë që jo vetëm që na siguron dhe na forcon financiarisht, por gjithashtu na ndihmon të tërheqim qiradhënës të rinj dhe të lëvizim drejt një të ardhmeje më të qëndrueshme dhe digjitale. Jemi shumë optimistë për këtë zhvillim. Marrëveshja me IFC-në, gjithashtu, na lejon të mbajmë ose më saktë forcon standardet tona të larta në qeverisjen korporative, etikën e biznesit dhe integritetin, vlera këto që kanë qenë në zemër të operacioneve të Prishtina Mall që nga fillimi”, tha ai.
International Finance Corporation (IFC), anëtare e Grupit të Bankës Botërore, është institucioni më i madh zhvillimor global që fokusohet ekskluzivisht në sektorin privat në vendet në zhvillim.
